വാസ്തുശില്‍പിയെന്ന്
ലണ്ടന്‍: യേശുക്രിസ്തുവിന്റെ പിതാവ് മരപ്പണിക്കാരനായിരുന്നില്ലെന്നും പ്രഗല്ഭനായ ഒരു വാസ്തുശില്‍പിയായിരുന്നെന്നും വെളിപ്പെടുത്തല്‍. ആഡം ബ്രാഡ്ഫോര്‍ഡ് എന്ന ബൈബ്ള്‍ പണ്ഡിതനാണ് 'ദി ജീസസ് ഡിസ്കവറി' എന്ന തന്റെ പുസ്തകത്തില്‍ ഇക്കാര്യം വ്യക്തമാക്കിയത്. യേശുവിന്റെ ജീവിതകഥയില്‍ പരാമര്‍ശിക്കപ്പെടാതെപോയ 12 മുതല്‍ 30 വയസ്സുവരെയുള്ള ജീവിതകാലത്ത് അദ്ദേഹം മതപാഠശാലകളില്‍ പഠനം നടത്തുകയായിരുന്നെന്നും ബ്രാഡ്ഫോര്‍ഡ് അവകാശപ്പെടുന്നു.
ബൈബ്ളിന്റെ ഒറിജിനല്‍ ഗ്രീക്, ഹീബ്രു പതിപ്പുകള്‍ സൂക്ഷ്മപഠനത്തിനു വിധേയമാക്കിയാണ് ബ്രാഡ്ഫോര്‍ഡിന്റെ വെളിപ്പെടുത്തല്‍.
യേശുവിന്റെ പിതാവ് ജോസഫിന്റെ ജോലി സൂചിപ്പിക്കുന്ന 'ടെക്ക്ടണ്‍' എന്ന ഗ്രീക് പദത്തിന്റെ പരിഭാഷയിലുണ്ടായ ആശയക്കുഴപ്പമാണ് അദ്ദേഹത്തെ മരപ്പണിക്കാരനാക്കിയത്. സാധാരണയായി മരപ്പണിക്കാരെ സൂചിപ്പിക്കാനുള്ള ഈ പദത്തിന് രാജശില്‍പി, വാസ്തുശില്‍പി തുടങ്ങിയ അര്‍ഥങ്ങളുണ്ട്. പ്രമുഖനായ വാസ്തുശില്‍പിയായതിനാലാണ് ജോസഫിന് മകനെ ഉയര്‍ന്ന പാഠശാലകളില്‍ അയക്കാന്‍ കഴിഞ്ഞതെന്നും പുസ്തകത്തില്‍ പറയുന്നു. യേശു ഒരു പാവപ്പെട്ട മരപ്പണിക്കാരന്റെ മകനായിരുന്നെങ്കില്‍ അന്നത്തെ സമൂഹത്തില്‍ അദ്ദേഹത്തിന്റെ ആശയങ്ങള്‍ക്ക് ആദ്യകാലത്ത് സ്വീകാര്യത ലഭിക്കുമായിരുന്നില്ലെന്നും ബ്രാഡ്ഫോര്‍ഡ് ചൂണ്ടിക്കാട്ടുന്നു.
No comments:
Post a Comment