വാഷിങ്ടണ്‍: മൊബൈലില്‍ ദിനംപ്രതി നൂറുകണക്കിന് എസ്.എം.എസ് അയച്ച് കണങ്കൈക്ക് ശസ്ത്രക്രിയ നേരിടുകയാണ് ആനി. ഷികാഗോയിലെ 16 കാരിയായ ഈ സ്കൂള്‍ വിദ്യാര്‍ഥിനിയുടെ കണങ്കൈക്ക് 'കാര്‍പല്‍ ടണല്‍ സിന്‍ഡ്രം' എന്ന തകരാറാണ് മെസേജ് ശീലം സമ്മാനിച്ചതെന്ന് ഡോക്ടര്‍മാര്‍ പറയുന്നു. കൈയുടെ ചലനശേഷി നഷ്ടമായ ആനിക്ക് സാധനങ്ങള്‍ കൈയിലെടുക്കാനോ പിടിക്കാനോ കഴിയുന്നില്ല. നിരന്തരം മൊബൈല്‍ 'കീ'കളില്‍ വിരലമര്‍ത്തിയതുമൂലം കണങ്കൈയിലെ ഞരമ്പുകള്‍ പിണഞ്ഞുപോയതാണ് പ്രശ്നം. ഇനിയെങ്കിലും ഇഷ്ടക്കാര്‍ക്കയക്കുന്ന അപ്രധാന മെസേജുകള്‍ 50 എങ്കിലുമാക്കി കുറക്കണമെന്നാണ് ആനിയോട് ഡോക്ടര്‍മാരുടെ അപേക്ഷ. ഭേദമായാല്‍ ടച്ച് സ്ക്രീന്‍ സംവിധാനമുള്ള ഐ ഫോണില്‍ തന്റെ മെസേജ് ഹോബി തുടരുമെന്നാണ് ആനിയുടെ വാദം. നിരന്തരം വേദനാ സംഹാരി കുത്തിവെപ്പുകളും മരുന്നുകളുമായി ശസ്ത്രക്രിയ കാത്തിരിക്കുകയാണ് ആനി. ഒരുമാസം 2000 മെസേജുവരെ ഈ പെണ്‍കുട്ടി അയക്കാറുണ്ടെന്നാണ് ആനിയുടെ അമ്മ പറയുന്നത്. കാര്‍പല്‍ ടണല്‍ സിന്‍ഡ്രം നിരന്തരം കമ്പ്യൂട്ടര്‍ കീബോര്‍ഡില്‍ വിരലമര്‍ത്തുന്നവര്‍ക്കും പിടിപെടാറുണ്ട്.
No comments:
Post a Comment