: മരണത്തെ മുഖാമുഖം കണ്ടവരുടെ മായികാനുഭവങ്ങള്‍ക്കു പിന്നില്‍ കാര്‍ബണ്‍ഡയോക്സൈഡിന്റെ കളിയാണെന്ന് പഠനം. മരണത്തോടടുത്ത സമയങ്ങളില്‍ അസാധാരണമായ വെളിച്ചങ്ങള്‍, പരേതരുടെ സാമീപ്യം, ഉയര്‍ന്നുപോകുന്നതായുള്ള അനുഭവം, കുഴിയിലേക്ക് താണുപോകുന്നതായുള്ള തോന്നല്‍ ഇങ്ങനെ പലതും ഉണ്ടായതായി നിരവധി പേര്‍ സാക്ഷ്യപ്പെടുത്തിയിരുന്നു. ഹൃദയസ്തംഭനത്തിലേക്ക് നീങ്ങുന്ന വേളയിലാണ് പലരും ഇത്തരം അനുഭവഘട്ടങ്ങളിലൂടെ കടന്നുപോയതായി പറയപ്പെടുന്നത്.
52 ഹൃദ്രോഗികളെ കേന്ദ്രീകരിച്ച് നടത്തിയ പഠനത്തില്‍, ഇത്തരക്കാരില്‍ രക്തത്തിലെ കാര്‍ബണ്‍ ഡയോക്സൈഡിന്റെ അളവ് രോഗസമയത്ത് വര്‍ധിക്കുന്നതായി കണ്ടെത്തി. അമിതമായ കാര്‍ബണ്‍ ഡയോക്സൈഡ് മസ്തിഷ്കത്തിന്റെ സംതുലനാവസ്ഥ തെറ്റിക്കുന്നതാവാം അസാധാരണമായ തോന്നലുകളിലേക്ക് രോഗികളെ നയിക്കുന്നതെന്ന് ഗവേഷകര്‍ കരുതുന്നു. പഠനവിധേയമാക്കിയ രോഗികളില്‍ മരണാസന്ന അനുഭവങ്ങള്‍ ഉണ്ടായവരില്‍ കാര്‍ബന്‍ ഡായോക്സൈഡിന്റെ അളവ് ക്രമാതീതമായി വര്‍ധിച്ചതായി ഇവര്‍ കണ്ടെത്തി. മാരിബോര്‍ യൂനിവേഴ്സിറ്റിയിലെ ഡോ. സലിക്ക ക്ലെമെന്‍സ് കെറ്റിസും സംഘവുമാണ് ഗവേഷണം നടത്തിയത്.
keep going
ReplyDeletebst f luk
കൂടുതല്‍ അറിയാന്‍ കഴിഞ്ഞു.
ReplyDelete