Sunday, May 9, 2010


മനുഷ്യര്‍
ക്ഷുദ്രഗ്രഹങ്ങളിലേക്ക് 

ക്ഷുദ്രഗ്രഹങ്ങളിലേക്ക് മനുഷ്യരെ അയക്കാന്‍ നാസ ഒരുങ്ങുന്നു.2o25ഓടെ പര്യവേക്ഷണത്തിന് ഏതെങ്കിലുമൊരു ക്ഷുദ്രഗ്രഹത്തിലേക്ക്് പര്യവേക്ഷണ ദൌത്യത്തിന് നാസ ഒരുങ്ങുന്നതായി അമേരിക്കന്‍ പ്രസിഡന്റ് ബറാക് ഒബാമ നേരത്തെ വ്യക്തമാക്കിയിരുന്നു. ഗ്രഹങ്ങളേക്കാള്‍ ചെറുതും ഉല്‍ക്കകളേക്കാള്‍ വലുതുമായ  സൌരയൂഥത്തിലെ അനേകായിരം ഇത്തരം ചെറുഗ്രഹങ്ങളില്‍ ദൌത്യത്തിനു പറ്റിയത് തെരഞ്ഞെടുക്കാനുള്ള ശ്രമത്തിലാണ് ഗവേഷകര്‍.കേംബ്രിഡ്ജിലെ ജ്യോതിശാസ്ത്രകാരനായ മാര്‍ട്ടിന്‍ എല്‍വിസ് സന്ദര്‍ശനയോഗ്യമായ ക്ഷുദ്രഗ്രഹങ്ങള്‍ക്ക് വേണ്ട മാനദണ്ഡങ്ങള്‍ മുന്നോട്ടുവെച്ചിട്ടുണ്ട്.കുറഞ്ഞ ഭ്രമണവേഗതയും പ്രശ്നക്കാരനല്ലാത്ത ഗ്രഹത്തിന്റെ സാമീപ്യവും പര്യവേക്ഷണ പേടകത്തിന് എളുപ്പത്തില്‍ ഇറങ്ങാന്‍ സഹായകരമായ രീതിയില്‍ ഭ്രമണപഥവുമുള്ള ക്ഷുദ്രഗ്രഹമാണ് തെരഞ്ഞെടുക്കേണ്ടത്. ചൊവ്വയുടെയും വ്യാഴത്തിന്റെയും ഭ്രമണപഥത്തിനിടയിലെ മേഖലയിലാണ് ഭൂരിഭാഗം ക്ഷുദ്രഗ്രഹങ്ങളുമുള്ളത്. ഭൂമിക്കു ചുറ്റുമായും ക്ഷുദ്രഗ്രഹ സാന്നിധ്യമുണ്ട്. ഭൂമിക്കു സമാനമായ ഭ്രമണവേഗതയില്‍ സൂര്യനെ ചുറ്റുന്ന ക്ഷുദ്രഗ്രഹം തെരഞ്ഞെടുക്കുന്നതാണ് ദൌത്യത്തിന് അഭികാമ്യമെന്ന് എല്‍വിസ് പറയുന്നു. ഭൂമിയുടെ അയല്‍ക്കാരായ 6699 ക്ഷുദ്രഗ്രഹങ്ങളില്‍ ആറ് എണ്ണത്തിന് ഈ സവിശേഷതയുണ്ട്. മനുഷ്യന്റെ ചൊവ്വാപര്യവേക്ഷണ ദൌത്യത്തിന്റെ മുന്നൊരുക്കമായാണ് ചില ഗവേഷകര്‍ ഈ നീക്കത്തെ കാണുന്നത്.തൊട്ടടുത്ത ക്ഷുദ്രഗ്രഹത്തിലേക്കായാലും ആറു മാസത്തെ യാത്ര വേണ്ടിവരുമെന്ന് കണക്കാക്കുന്നു.

No comments:

Post a Comment