Thursday, May 27, 2010

ഗാലക്സികള്‍ ഉരയുന്നു
തമോഗര്‍ത്തങ്ങള്‍ ഉത്തേജിതമാവുന്നു

തമോഗര്‍ത്തങ്ങളില്‍  ചെറുവിഭാഗം അതിഭീമമായ അളവില്‍ ഊര്‍ജം പുറത്തുവിടുന്നതിനു പിന്നിലെ രഹസ്യം പതിറ്റാണ്ടുകളായി ജ്യോതിശാസ്ത്രകാരന്‍മാരുടെ സമസ്യയായിരുന്നു. പ്രപഞ്ചസര്‍വേ തുടരുന്ന നാസയുടെ സ്വിഫ്റ്റ് ഉപഗ്രഹം നല്‍കിയ വിവരങ്ങള്‍ രഹസ്യങ്ങളുടെ ചുരുളഴിക്കുന്നു. ഗാലക്സികള്‍ തമ്മിലുരയുമ്പോഴാണ് അവയിലെ തമോഗര്‍ത്തങ്ങള്‍ ഉത്തേജിക്കപ്പെട്ട് ഉന്നത ഊര്‍ജാവസ്ഥയിലെത്തുന്നതെന്ന് സര്‍വ്വേ വെളിപ്പെടുത്തുന്നു. സൂര്യനെക്കാള്‍ പത്തുകോടിയിലധികം മടങ്ങ് പിണ്ഡമുള്ള തമോഗര്‍ത്തങ്ങള്‍ക്കരികിലെ ഗാലക്സി കേന്ദ്രങ്ങളില്‍ നിന്നാണ് തീവ്രമായ ഊര്‍ജ പ്രവാഹമുണ്ടാവുന്നത്. ഇത്തരത്തിലുള്ള ചില ഉത്തേജിത ഗാലക്റ്റിക്കല്‍ കേന്ദ്രങ്ങളാണ് (Active Gallectical Nuclei) പ്രപഞ്ചത്തിലെ ഏറ്റവും പ്രകാശിക്കുന്ന വസ്തുക്കള്‍.സ്വിഫ്റ്റില്‍ സജ്ജമാക്കിയ ബേസ്റ്റ് അലര്‍ട്ട് ടെലസ്കോപ്പ് (BAT) ഘന എക്സ് റേ കിരണങ്ങള്‍ ഉപയോഗിച്ച് 2004 മുതല്‍  തുടങ്ങിയ പ്രപഞ്ച മാപ്പിംഗ് പ്രക്രിയയിലാണ് പുതു വിവരം ലഭ്യമായത്.ഉത്തേജിത ഗാലക്റ്റിക്കല്‍ കേന്ദ്രങ്ങള്‍ ആധാരമാക്കിയുള്ള സര്‍വ്വേയില്‍ നിരവധി പുതിയ ഇത്തരം കേന്ദ്രങ്ങള്‍ കണ്ടെത്തി.തമ്മില്‍ ചേര്‍ന്നു തുടങ്ങിയതോ അടുത്തു നില്‍ക്കുന്നതോ ആയ ഗാലക്സികളാണ് ബാറ്റ് നിരീക്ഷിച്ചത്.ഇതില്‍ അറുപത് ശതമാനവും അടുത്ത നൂറുവര്‍ഷത്തിനകം മുഴൂവനായി ചേരുമെന്നാണ് കണക്കാക്കുന്നത്.

No comments:

Post a Comment