നാസ ബഹിരാകാശ പേടകങ്ങള് വില്ക്കുന്നു
വാഷിങ്ടണ്: കെന്നഡി സ്പേസ് സെന്ററില്നിന്ന് 37 ബഹിരാകാശ ദൗത്യങ്ങള്ക്ക് പറന്നുയര്ന്ന ഡിസ്കവറി പേടകം നാസ വില്ക്കുന്നു. 282 ലക്ഷം ഡോളറാണ് (128 കോടി രൂപ) വില. 420 ലക്ഷം ഡോളറാണ് (191 കോടി രൂപ) പേടകത്തിന്റെ യഥാര്ഥ വില. ഈ ഭീമന് പേടകത്തെ കെന്നഡി സ്പേസ് സെന്ററില്നിന്ന് അമേരിക്കയിലെ വിമാനത്താവളത്തിലെത്തിക്കാനുള്ള ചെലവ് പരിഗണിച്ചാണ് വിലയിലെ ഡിസ്കൗണ്ട്.
സ്മിത്സോണിയന് ഇന്സ്റ്റിറ്റിയൂഷന്റെ ദേശീയ മ്യൂസിയത്തിലേക്ക് പേടകം കൊടുക്കാമെന്ന് ധാരണയായിട്ടുണ്ട്. അതേസമയം, മറ്റ് പേടകങ്ങളായ എന്ഡവറും അറ്റ്ലാന്റിസും വില്പനക്കുവെച്ചിരിക്കയാണെന്നും റിപ്പോര്ട്ടുകളുണ്ട്. 2015ഓടെ എല്ലാ ബഹിരാകാശ ദൗത്യങ്ങള്ക്കുമായി എറിസ്ഫ1എക്സ് റോക്കറ്റ് വികസിപ്പിച്ചതിനാലാണ് പഴയ പേടകങ്ങള് നാസ വില്ക്കുന്നത്.
No comments:
Post a Comment