തീവണ്ടിക്ക് ചാടുന്നവരെ തടയാന്‍ നീല വെളിച്ചം
തീവണ്ടിക്കു മുന്നില്‍ ജീവിതമൊടുക്കാനെത്തുന്നവരെ പിന്തിരിപ്പിക്കാന്‍ ജപ്പാനിലെ റെയില്‍വേ സ്റ്റേഷനുകളില്‍ ഇനി നീലവിളക്കുകള്‍! ജപ്പാനിലെ മനഃശാസ്ത്ര വിദഗ്ധരുടെ ഉപദേശത്തിന്റെ അടിസ്ഥാനത്തിലാണ് വര്‍ധിച്ചുവരുന്ന ആത്മഹത്യാ പ്രവണത കുറക്കാന്‍ ഇത്തരമൊരു പദ്ധതി ആവിഷ്കരിച്ചത്. നീലപ്രകാശത്തിന് ആത്മഹത്യാ ചിന്തയുള്ളവരെ ശാന്തരാക്കാന്‍ കഴിയുമെന്നാണ് ഇവരുടെ കണ്ടെത്തല്‍.
ഏതെങ്കിലും കാര്യത്തില്‍ മാനസിക സമ്മര്‍ദമനുഭവിക്കുന്നവര്‍ക്ക് ആശ്വാസം നല്‍കാനും ഇതിന് കഴിയും ^ജപ്പാന്‍ കളര്‍ സൈകോളജി ഇന്‍സ്റ്റിറ്റ്യൂട്ടിലെ തെറാപ്പിസ്റ്റായ മിസുക്കി തകാഷായി പറയുന്നു. സാമ്പത്തികമാന്ദ്യത്തെ തുടര്‍ന്ന് ജപ്പാനില്‍ തീവണ്ടിക്കു തലവെച്ച് ജീവനൊടുക്കുന്നവരുടെ എണ്ണം വര്‍ധിച്ചിരിക്കുകയാണ്. കഴിഞ്ഞവര്‍ഷം തന്നെ 2000 പേര്‍ ഇത്തരത്തില്‍ ആത്മഹത്യ ചെയ്തിരുന്നു.
ടോക്യോവിലെ 29 സ്റ്റേഷനുകളിലാണ് ഇപ്പോള്‍ നീലപ്രകാശം പുറപ്പെടുവിക്കുന്ന പ്രത്യേക എല്‍.ഇ.ഡി വിളക്കുകള്‍ സ്ഥാപിച്ചിരിക്കുന്നത്.
No comments:
Post a Comment