വാഷിങ്ടണ്‍: ഇരുമ്പിന്റെയും ടൈറ്റാനിയത്തിന്റെയും കനത്ത സാന്നിധ്യം ബുധനില്‍ കണ്ടെത്തിയതായി നാസ. ഗ്രഹ പഠനത്തിനായി നാസ അയച്ച 'മെസെഞ്ചര്‍' പേടകമാണ് ഇവ കണ്ടെത്തിയത്. ബുധന്റെ ഉപരിതലത്തില്‍ ടൈറ്റാനിയത്തിന്റെ ഓക്സൈഡുകള്‍ നിറഞ്ഞിരിക്കുന്നതായി മെസെഞ്ചര്‍ അയച്ച വിവരങ്ങള്‍ വ്യക്തമാക്കി. ബുധന്റെ ഉള്‍ക്കാമ്പില്‍ വ്യാപകമായി ഇരുമ്പിന്റെ സാന്നിധ്യമുണ്ടാവാനിടയുണ്ടെന്ന് ഉപരിതലത്തിലെ ഇരുമ്പിന്റെ കനത്ത സാന്നിധ്യത്തില്‍നിന്ന് ഗവേഷകര്‍ അനുമാനിക്കുന്നുണ്ട്.
ബുധന്‍ ചുറ്റിയുള്ള പേടകത്തിന്റെ അവസാന പര്യടനത്തിലാണ് പുതിയ വിവരങ്ങള്‍ വെളിവായത്. മെസെഞ്ചറിലെ കാമറകള്‍ ബുധോപരിതലത്തിന്റെ നിരവധി ഹൈ റെസല്യൂഷന്‍ ചിത്രങ്ങള്‍ എടുത്തിട്ടുണ്ട്.
ഗ്രഹത്തിന്റെ പിറവിയെ കുറിച്ചുള്ള പഠനത്തില്‍ ഈ കണ്ടെത്തല്‍ കൂടുതല്‍ സഹായകരമാവും.
No comments:
Post a Comment