വാഷിങ്ടണ്‍: മകള്‍ മലിയക്ക് ശാസ്ത്രപരീക്ഷയില്‍ ലഭിച്ച 73 മാര്‍ക്ക് പിന്നത്തെ പരീക്ഷയിലെങ്ങനെ 95 ആയെന്ന കഥ അമേരിക്കന്‍ പ്രസിഡന്റ് ബറാക് ഒബാമ വിവരിച്ചു. തെരഞ്ഞെടുപ്പ് വിജയത്തിന്റെ ഒന്നാം വാര്‍ഷികാഘോഷങ്ങളുടെ ഭാഗമായി മാസിഡന്‍ വിസ്കോന്‍സില്‍ സ്കൂളിലെ ചടങ്ങിലാണ് തയാറാക്കിയ പ്രസംഗത്തില്‍നിന്ന് വിട്ടുമാറി ഒബാമയിലെ പിതാവ് സദസ്സിനെ ഉത്തേജിപ്പിച്ചത്.
ആറാം തരത്തിലെ ശാസ്ത്രപരീക്ഷക്ക് 73മാര്‍ക്ക് ലഭിച്ചതില്‍ നിരാശയായ മലിയയോട് ഒബാമ കാരണമന്വേഷിച്ചു. ക്ലാസിലെ പഠനസഹായിയിലുള്ള കാര്യങ്ങളല്ല പരീക്ഷക്ക് വന്നതെന്നായിരുന്നു മറുപടി. തന്റെ പ്രേരണയിലൂടെ മലിയ മെച്ചപ്പെടാന്‍ തീര്‍ച്ചയാക്കി. കഠിനപ്രയത്നത്തിലൂടെ അടുത്ത ശാസ്ത്രപരീക്ഷയില്‍ മാര്‍ക്ക് 95 ആയി ഉയര്‍ത്തി ^ഒബാമ വിവരിച്ചു. എന്തു ചെയ്യണമെന്ന് കുട്ടികളെ ഉപദേശിക്കലല്ല മാതാപിതാക്കളുടെ ജോലി. അവര്‍ക്ക് ചെയ്യാവുന്നത് എന്തെന്ന് തിരിച്ചറിയാനുള്ള ശേഷി അവരില്‍ വളര്‍ത്തിയെടുക്കുകയാണ് മാതാപിതാക്കള്‍ ചെയ്യേണ്ടത്. പ്രസിഡന്റിന്റെ കുടുംബകാര്യങ്ങള്‍ അതീവ രഹസ്യമായി സംരക്ഷിക്കുന്ന അമേരിക്കയില്‍ ഒബാമയുടെ 'കുടുംബകഥ പറച്ചില്‍' ആശ്ചര്യമായി മാറിയിരിക്കുകയാണ്.
No comments:
Post a Comment